1. كاديه

    كاديه

    ‏30 ابريل 2012
     

    طبعا اغلبنا فى رمضان بنبقى مش احنا خالص من غير ميك اب وبشرتنا لونها مش موحد وشفايفنا مقشفه ومنظرنا ميعلم بيه الا ربناعشان
    كده جايبلكم النهارده الحل الامثل لمظهر لائق فى رمضان وتجربتى الشخصيه
    اللى خلت كل الناس تسألنى انتى شكلك حلو كده ازاى فى رمضان ومن غير مكياج
    الخطوه الاولى
    المشتريات
    هتروحى كده للصيدليه او اى محل تجميل بتتعاملى معاه وتجيبى
    1-صابونه دوف البينك 5جنيه او صابونه مجموعه fairness "التفتيح" من اوريفليم
    2-ماء ورد "بتاع ايفا" او تجيبى اسنس ورد"من العطار" على لتر مياه"مقطره
    من الفلتر" او معدنيه او"وده الافضل" التونر المهدئ بالتوت من اوريفليم
    3-هتجيبى زبده الكاكاو بالشيا "اماندا"4 جنيه
    4- هتجيبى صن بلوك نوع كويس شخصيا بفضل "صن كلينك اس بى اف 90 "ب 59 جنيه
    لانه مش بيحمى البشره بس بيفتحها ويوحد لونها ويخليها ناعمه وشكلها صحى او
    لو متعوده على فوتوديرم يبقى فوتوديرم +50ب99 جنيه
    5- هتجيبى "بنص جنيه دم غزال" وعلبه جليسروليد وتخلطى معلقه صغيره من دم الغزال على الجليسروليد فى حمام مائى
    6-لو بشرتك فيها اماكن غامقه ....يبقى لازم كريم تفتيح وهنا هنجيب يا اما ديرما كلينك وايتننج كريم 35 جنيه او تارجت 35ونص
    7-مقشر حلو كده ويفضل بتاع اصاله او ممكن تعمليه فى البيت انتى وبطريقه سهله
    هاتى 2 معلقه عصير طماطم وحطى عليه نقطه واحده ليمون ومعلقتين صغيرين عسل
    ملكات او عسل عادى لو ملقتيش ومعلقتين كبار سكر خشن ومعلقه ترمس مطحون
    وحطيهم فى علبه حلوه كده وفى التلاجه
    9-يفضل قبل البدء فى البرنامج تستخدمى اى جل من اللى بيشيل الطبقه الميته فى 30 ثانيه مره واحده بس

    الخطه السريه
    اول حاجه هتلاحظى النتيجه من اول يوم وكل يوم عن يوم هتلاحظى نتيجه افضل لو مشيتى على الخطوات بالظبط
    تحذير تانى الموضوع ده للبشره العاديه والجافه اصحاب البشره الدهنيه يمتنعون مؤقتا لغايه منزلهم موضوع خاص بيهم

    1- بعد السحور وصلاه الفجر هتغسلى وشك بالصابونه وتحطى التونر وكريم
    التفتيح او كريم الليل بتاعك وحته صغير من دم الغزال بالجلسروليد مع زبده
    الكاكاو فوقه وننام
    2- تصحى بقى قبل الخروج تغسلى وشك برده بالصابونه وتحطى التونر او مياه
    الورد وتنشفى كويس وتدهنى الصن بلوك على وشك وايديك ومننساش ندهن جزء بسيط
    جدا على الشفايف
    3- ضرووووووووووووورى جدا يبقى فى ربع ساعه بين استخدام الصن بلوك والخروج والا ولا كأنك حاطه حاجه وهتسمرى برده
    4- كل ساعتين تغسلى وشك بمياه وغسول نوع كويس جزء صغير اوى وتحطى الصن بلوك تانى لو بتعرقى كتير لو لا يبقى مره كل 4-6 ساعات
    5-ترجعى بقى تغسلى وشك بالصابونه وتستعملى المقشر "مره كل 3 ايام" وتحطى التونر وكريم التفتيح او اى كريم ليل لغايه الفطار
    وهكذا
    6- ضرورى جدا تشربى مياه كتير على الاقل 8 اكواب يوميا

    النتيجه بقى بشره ورديه وصافيه وشفايف ورديه وناعمه وجميله ....مش هقولك
    شكلك هيبقى زى الميك اب بس على الاقل مش هتبقى زى عفريت العلبه
    من مواضيع العضو :
    عقارات ذات صلة :